GORDAILUAREN BARNEKO KLIMA ETA JASANGARRITASUNA AZTERTZEKO JARDUNALDIAK

 

Otsaileko bigarren astean, Irene Cárdaba, Dani, Bart Ankersmit, Marc Stappers eta hirurok bi eguneko lan gogorra izan genuen Irunen, barruko klima eta Gordailuaren eraikina (Gipuzkoako Ondasun Higigarrien Ondare Bildumen zentroa) aztertuz, eta ingurumen-jasangarritasuneko eta ondare-objektuen kontserbazioko estrategiei buruz hausnartuz.

Benetako pribilegioa izan da Bart Ankersmit eta Marc Stappers ikertzaileekin lan egitea, Herbehereetako Kultura Ondarearen Agentzia Nazionaleko bildumen arriskuen kudeaketan eta eraikuntzaren fisikan, hurrenez hurren.